全部課程   >   家居維修十項全能班 (4月8日)
家居維修十項全能班 (4月8日)
講師: Simon Tang
已經滿座
報名價: 880-980/位
立即報名
課程介紹

─「唔想搵師傅?自己其實做得黎!」

家居維修DIY是一門終生受用的技術,學識可助人助己,必不後悔!看看兩位同學的分享:

 

正所謂 Happy Wife, Happy Life~~ 之前屋企牆身有些少石屎剝落,少許鋼筋外露。老婆非常不安,成日覺得屋企唔穩陣,心情唔好,問左價整一整仲要幾千,夠佢去一轉旅行啦。佢心情一差,老公就大鑊!日日比佢日哦夜哦。好彩上左DIY課程,學識點樣修補同上漆,用左一星期多D就攪掂晒。老婆一望開心哂,對住我陰陰嘴笑,我幾有滿足感呀!人生即時少左樣煩惱,上左呢個課程,淨係學呢樣野都抵返哂,DIY知識真係住家男人之寶,推薦!──from 脫離苦海的老公

 

家父是木工,所以自幼對這方面很有興趣。跟爸爸在露台鋸木鎚釘上螺絲是美好的童年回憶。直在現在,我家所有要維修的東西都是我爸做的,但我也有興趣學多一點!這是一個非常實用的課程,覆蓋到大部分家居維修會遇到的問題,而且有三位不同職位的老師講解(監工、師傅、DIY達人),所以能互補不足,觀點很全面。 #女漢子之煉成 #屋企有五六樣野等緊我整 #朝十晚六絕無冷場──from 一位女學員

 

其實一句講哂:家居維修DIY,男人學識實有用,女仔學識就唔駛靠男人 =)

 

參加「家居維修DIY十項全能」的3大原因:

1. 改善家居

有D野係「你自己識就會做,唔識亦都唔會搵人做」的。比如D電線長淋淋,你會唔會俾$500搵人整短佢?唔會呀
於是呢,你就對住類似呢D既瑕疵十年... 廿年~

學識家居維修DIY,見到有破損的縫位,識得用玻璃膠補;見到個靚門把,能夠買番黎自己換;花灑水喉有少少漏水,唔駛對住佢廿年,自己可以搞得掂;有時想鑽個洞,裝個架、裝部手提吸塵機上牆,又或者整污糟左幅牆,要補補油。呢D都難唔到你...

2. 動手樂趣

其實又唔一定係錢既問題。能夠自己/和另一半/小朋友一起動手改善下屋企,都係幾特別、幾浪漫,同幾有滿足感的... 點解中秋節D人拍拖走去學整月餅丫?點解要學整公仔唔買個番黎丫?因為自己整同人地整,感覺唔同架嘛!

3. 關心他人

又有時唔係自己得閒得滯。比如說,父母家中龍頭唔好用,你叫佢換左佢,佢一定嫌煩、嫌哂錢,唔肯換架... 如果你識得趁父母親節,幫家人換個靚龍頭、裝個靚花灑、通通個去水渠、整番好少少漏水,都幾叻仔丫...

而且其實社會上都有好多需要幫助既人。你唔想花$500去換個鎖,裝個架,D無收入既公公婆婆更加唔會。學習一樣可以幫到社會上有需要既人既實用技能,何樂而不為?

※ 完成課程後,學員可以加入「DIY十項全能舊生會」,免費借用DIY工具,交流DIY實戰情況,互相學習

下班課程詳情:


日期:4月8日 (早上10時至下午6時)
地點:荔枝角長沙灣廣場 (詳細地址會經whatsapp send給參加者)

※ 本課程適合新手、女士參加。
※ 三位導師同場、互相補足,絕無冷場。
※ 學習50樣實用野,平均每項不用$20~(每位學費—$980,二人同行每位$880)

※ 由於本課程有嚴格人數限額,如參加者於報名後需要調堂,需支付$200行政費;如未有事先通知而缺席,學費將不作退還,敬請理解。

 

每個題目涵蓋:生活應用、即場演示、現場實習、理論知識、購買工具、工具設定、施工順序、安全事項、新手伏位、練習貼士、錯誤處理...,內容全面而中POINT。

 

市面上很難找到另一個DIY課程:

1. 內容如此豐富 (適合DIY的,我地幾乎都教)
2. 有三位導師同場 (多角度講解,不怕聽唔明)
3. 課後免費借出工具 (電鑽、油壓鑽、測牆內水喉電喉的儀器等等)

在綫報名

注:上課地點通過WhatsApp通知

點擊重新得到認證碼
主辦機構
合辦機構
授課老師
  • Simon Tang
    裝修中伏大全創辦人,任教超過50屆裝修防伏班,著有《裝修中伏破解手冊》,義務協助萬千戶主排解裝修煩惱。
學員動態
  • J**
    已報名
    裝修防伏班(香港)(7月1日) 4小時前
  • J**
    已報名
    裝修防伏班(香港)(7月1日) 1天前
  • 黃**
    已報名
    家居維修十項全能班(香港) (7月2日) [加場] 1天前
  • S**
    已報名
    裝修防伏班(香港)(7月1日) 1天前
  • T**
    已報名
    裝修防伏班(香港)(7月1日) 1天前