唔少人都認為「通渠佬」只係剩返老師傅，認為通渠呢行需要處理唔少厭惡性情況，例如當馬桶堵塞嘅時候，廢物同廁所水會向上湧出嚟，殺人一個措手不及！而且通渠師傅更要忍受當中嘅臭氣同污水，以致通渠呢個傳統行業較為人所抗拒，只剩餘年長老師傅繼續守業。但其實現時都有年輕人進入通渠呢個傳統行業，究竟點解年輕一輩會選擇通渠？
今集《夕陽傳承實習生》，實習生譚淇淇會接受通渠考驗，向有10多年通渠經驗嘅Martin Sir學師，睇下通渠係咪咁困難重重！佢仲會了解通渠行業背後有咩故事，而呢一行又可以點樣傳承落去？
原片網址
